Mbyllet seanca e parë në Kushtetuese, zbardhet dokumenti i Xhaçkës drejtuar Ramës

Ka përfunduar në Gjykatën Kushtetuese seanca e parë për shqyrtimin e kërkesës së opozitës për heqjen e mandatit të deputetes, për ministren e Jashtme Olta Xhaçka.

Euronews Albania ka mundur të sigurojë dokumentin ku ministrja e Jashtme i ka kërkuar kryeministrit Rama që të mos jetë pjesë e mbledhjes së Këshillit të Ministrave të datës 2 mars 2022.

Në mbledhjen e qeverisë së kësaj date u diskutua dhënia e statusit të investorit strategjik për kompaninë në pronësi të bashkëshortit të saj.

Gjatë seancës, përfaqësuesi ligjor i Kuvendit, Erind Mërkuri, i kërkoi Gjykatës që të rrëzojë kërkesën e deputetëve të opozitës nën argumentin se veprimet e familjarëve nuk mund të përfshihem tek veprimet e deputetit.

Ndërkohë opozita, ka argumentuar në kërkesën e saj se mandati i deputetes së Partisë Socialiste, Olta Xhaçka është i pavlefshëm për shkak se bashkëshorti i saj ka përfituar pasuri publike me shpalljen si investitor strategjik nga Komiteti i drejtuar prej kryeministrit Rama.

Vlen të theksohet se një seancë e dytë, nga një grupim tjetër i deputetëve të PD-së që mbështesin Berishën, ka nisur që prej orës 13:30 për mandatin e Olta Xhaçkës në Kushtetuese.

LEXO GJITHASHTU:

• • Mandati i Olta Xhaçkës, PD kërkesë Kushtetueses: Çështja duhet të vijë në gjykatë
  • Manjani tregon arsyet: Pse mandati i Xhaçkës nuk duhet të shqyrtohet në Kushtetuese
  • Seanca për mandatin e Xhaçkës, përfqësuesi i Kuvendit: Të rrëzohet kërkesa