Mbyllet seanca plenare/ Felaj: Do merren masa për deputetët që bllokuan foltoren

Është mbyllur ende pa nisur seanca plenare e ditës së sotme. Që në nisje të saj, ajo pati përplasje mes deputetëve të opozitës me mazhorancën socialiste.

Rreth 45 deputetë të opozitës kanë reaguar sot në seancë plenare duke u përplasur me mazhorancën socialiste. Përplasjet në Kuvend erdhën si pasojë e bllokimit që mazhoranca socialiste i ka bërë Komisioneve Hetimore dhe përfaqësimit të opozitës në Komisionin e Reformës Zgjedhore.

Gjithashtu prej 2 muaj edhe pse mazhoranca ka njohur vullnetin e shumicës së deputetëve për Kryetarin e Grupit Parlamentar të PD, që sipas rregullores së Parlamentit zgjidhet nga vetë deputetët, vijon të lexojë seancë pas seance shkresa të firmosura nga Lulzim Basha. Kjo sjellje e Kryetares së Kuvendit është konsideruar si provokim nga ana e deputetëve të PD.

Nënkryetarja e Kuvendit, Ermonela Felaj ka paralejmëruar se do të merren masa për deputetët që bllokuan seancën e sotme.

LEXONI GJITHASHTU:

• “Kërkuam përjashtimin e deputetëve opozitar”, Çuçi: Të hapen kamerat
• Sulmoi gruan në pazarin e Korçës, plagoset dhe një tjetër. Në pranga autori