Mbyllet zyrtarisht orari i procesit të votimit për zgjedhjet lokale

Është mbyllur zyrtarisht në orën 19:00 procesi i votimit për zgjedhjet lokale.

Në të gjitha qendrat e votimit që nuk ka votues brenda qendrës së votimit apo jashtë duke pritur në radhë, procesi i votimit është mbyllur.

Ndërkohë në ato qendra ku ka ende votues që janë në radhë, procesi do të zgjatet me disa minuta. Një rregull ky i parashikuar në Kodin Zgjedhor për t’u dhënë mundësi të gjithë atyre qytetarëve që kanë vullnetin për të votuar, por që e kanë lënë për në minutat e fundit.

Një vendim për të mos i hequr në mënyrë arbitrare të drejtën e votimit këtyre shtetasve.

Sipas KQZ deri në orën 18:00  kanë votuar 36,39 për qind e qytetarëve, ndërkohë që pjesëmarrja pritet të jetë nga KQZ në momentet në vijim.

LEXONI GJITHASHTU:

• Pjesëmarrja në votime deri në orën 18:00
• Zgjedhjet, Noka shkakton incident në Elbasan, presion e debat ndaj anëtarëve të KZAZ