Gazetari Mentor Kikia ishte këtë të martë i ftuar në një intervistë për Euronews Albania ku tha se nuk shikon një lidhje mes marrjes në pyetje në SPAK të ish-kryeministrit Berisha ditën e sotme, me marrjen në pyetje të Agron Nezës një ditë më parë.

Sipas tij, çështja McGonigal është një çështje e filluar rishtazi dhe ende nuk dihet se çfarë do të dalë në dimensionin shqiptar të kësaj afere.

“Marrja në pyetje e zotit Berisha ishte e programuar, nuk shikoj ndonjë programim të marrjes në pyetje dje të zotit Neza dhe sot të Berishës. Janë çështje nën hetim.

Çështja e McGonigal  është një çështje e filluar rishtazi dhe presim të kuptojmë se çfarë do të dalë në dimensionin shqiptar të kësaj historie. Ne nuk e dimë se cili është objekti i hetimit në Shqipëri pasi prokuroria shqiptare nuk mund të hetojë çështje të cilat janë ngritur në Shtetet e Bashkuara”,-tha Kikia.

LEXONI GJITHASHTU:

• Berisha pas daljes nga SPAK: Aty gjeta atmosferë mortore! Po ecim drejt fitores
• I përmendur në dosjen McGonigal, Agron Neza paraqitet në SPAK