McLaren kthen ngjyrën gri në Austin

Skuadra angleze u bë e 3 në Formula 1 që prezanton një dizajno speciale në “United States Grand Prix” duke ndjekur Haas dhe Alpine.

Në bashkëpunim me Google, McLaren krijoi edicionin e dytë të makinës që inspirohet nga ngjyra gri, pas asaj të prezantuar në Silverstone në vitin 2023.

Fushata “Grija Shndrit Përsëri”, ndikohet nga disa makina të vjetra McLaren që kanë bërë historinë e Formula 1.

Përveç makinave, ngjyra gri do të shfaqet edhe në veshjet e Lando Norris dhe Oscar Piastri’t në “Circuit of The Americas”.

McLaren vjen në 6 garat e fundit të sezonit me një avantazh prej 41 pikësh ndaj Red Bull në klasifikimin e konstruktorëve. Ndërsa Norris është 52 pikë pas Max Verstappen në betejën për titullin e pilotëve.

LEXONI GJITHASHTU:

• Nga Fangio te Hamilton – Kampionët më të vjetër në Formula 1
• Formula 1, Perez dhe Red Bull planifikojnë tërheqjen e meksikanit