Brazili do të përkujtojë 30 vjetorin e ndarjes nga jeta të heroit Ayton Senna.

Pjesë e aktiviteteve do të jetë edhe një xhiro nderi e McLaren MP4/5B në Interlagos.

Si pjesë e “Senna Forever Honda dhe McLaren do të risjellin makinën origjinale me të cilën Senna fitoi titullin në vitin 1990 në atdhe.

Identiteti i pilotit që do ta drejtojë makinën do të bëhet i njohur në prag të garës dhe në përfundim të xhiros, makina MP4/5B do të qëndrojë në pit lane duke ju dhënë një mundësi ekskluzive të gjithëve për të admiruar një pjesë historike të Formula 1.

Tifozët janë të ftuar të vishen me ngjyrat e gjelbëra dhe të verdha për tu bashkuar në ditët përkujtimore të një prej idhujve më të mëdhenj të sportit në Brazil.

MP4/5B u krijua nga partneriti i suksesshëm mes McLaren dhe Honda-s në vitet 1988-1992 duke lënë një shenjë të përhershme në historinë e sportit.

Gjatë kësaj periudhe suksesesh të paprecedentë, McLaren-Honda fitoi 44 nga 80 garat ku mori pjesë.

Ndërsa Ayrton Senna u shpall kampion Bote në edicionet 1988, 1990 dhe 1991.

Përvec tyre, gjatë një dekade në sport, Legjenda braziliane vendosi 65 pole positions, fitoi më shumë se 600 pikë duke u ngjitur 80 herë në podium, 41 nga të cilat si fitues.

LEXONI GJITHASHTU:

• Schumacher në radarët e Audi-t për vitin në 2025 në Formula 1
• Toyota kthehet në F1 si partner teknik i Haas