Toyota kthehet në F1 si partner teknik i Haas

16 vite nga paraqitja e fundit, Toyota kthehet në Formula 1 pas kontratës së nënshkruar si partner teknik me “Haas F1 Team” që hyn në fuqi menjëherë.

Prodhuesi japonez kaloi 8 vite në Formula 1 si skuadër por edhe prodhues motorrësh duke u ngjitur 13 herë në podium dhe arritur në vendin e 4 në klasifikimin e konstruktorëve.

Sipas marrëveshjes disavjecare, Haas dhe Toyota – përmes divizionit të motorsportit “Toyota Gazoo Racing” (TGR) – do të këmbejnë ekspertizën dhe njohuritë për sportin. Kjo marrëveshje do të funksionojë paralelisht me atë që skuadra ka me Ferrari-n prej vitit 2016.

TGR do të ndihmojë në dizajn, shërbime teknike dhe prodhimi për Haas që si këmbim do të ofrojë ekspertizën teknike dhe benefitet komerciale. Objektivi i amerikanëve është zhvillimi dhe konkurenca në F1.

Bashkëpunimi u prezantua në “Fuji International Speedëay” që është në pronësi të Toyota’s që do të vendosë “brand”-in “Toyota Gazoo Racing” në makinat e Nico Hulkenberg dhe Kevin Magnussen që prej fundjavës së ardhshme në Shtetet e Bashkuara në Austin. Haas renditet në vendin e 7 për konstruktorë, 3 pikë pas RB në betejën për vendin e 6.

LEXONI GJITHASHTU:

• 5 dilemat e Azerbaixhanit në Formula 1
• Monza, Tempulli i Shpejtësisë në Formula 1