Me 102 kg drogë në makinë, arrestohet kryepolici në Igumenicë. Pasagjer 1 shqiptar

Dy policë grekë kanë rënë në prangat e policisë nga autoritetet vendase në zonën e Igumenicës.

Efektivët u ndaluan për shkak të përfshirjes në trafikun e drogës në bashkëpunim me një shtetas shqiptar.

Gjithçka nisi mbrëmjen e së enjtes, ku automjeti zyrtar i kryepolicit nuk iu bind urdhrit të patrullës në terren për të ndaluar. Pas një ndjekje disa minuta mjeti ndaloi kur drejtuesi humbi kontrollin dhe u përplas me tre makina të parkuara në anë të rrugës.

Drejtuesi i mjetit ishte një kryepolic grek 41 vjeçar, pjesë e Prokurorisë së Narkotikëve në Igumenicë.

Kryepolici ndodhej në makinën zyrtare me një 41-vjeçar shqiptar, i identifikuar si Arben Murto, me origjinë nga fshati Shalës i Konispolit.

Pas kontrollit të imtësishëm, brenda mjetit zyrtar u gjetën 19 pako kanabis të papërpunuar me peshë totale 102 kg e 670 gramë.

Në momentin e arrestimit, 41 -vjeçari ishte në detyrë patrullimi së bashku me një koleg 50-vjeçar, i cili gjithashtu shërben në sektorin e antidrogës. Në momentin e operacionit, 50-vjeçari ndodhej në një kafene në zonën Sayada të Thesprotisë. Ai kishte lënë pistoletën e shërbimit në makinën me të cilën kolegu i tij po kryente lëvizjen e drogës.

Dy policët u arrestuan nga autoritetet si të përfshirë në trafikun e lëndëve narkotike.

LEXONI GJITHASHTU:

• U kapën në flagrancë me 3 kg kanabis, 2 persona përfundojnë me pranga
• U arrestua në Kosovë, “baroni” Gëzim Çela do të ekstradohet drejt Shqipërisë