“Me 11 korrik, të gjithë në Tiranë”, Berisha: Të ngrihemi kundër këtij regjimi

Kryetari i Partisë Demokratike Sali Berisha, bëri thirrje për një protestë masive më 11 korrik në Tiranë, duke kërkuar që shqiptarët të ngrihen kundër regjimit aktual që po boshatis vendin.

Berisha përmendi se nga viti 2014 deri në 2022, 37.8% e shqiptarëve janë larguar nga vend.

Ai e konsideron këtë një boshatisje të tmerrshme dhe shkatërrim të kombit.

Njoftim për shtyp:

Miqtë e mi, kanë kaluar 34 vjet nga ajo ditë dhe mësimi më i madh prej asaj dite është se para guximit të të rinjve shqiptarë nuk ka mur, nuk ka barrierë, nuk ka forcë në botë që mund të rezistojë.
Ndaj dhe ajo ditë e kryengritjes paqësore të të rinjve të Tiranës, le të jetë një ditë frymëzimi për të rinjtë e sotëm dhe të gjithë shqiptarët, të ngrihemi në një betejë kundër këtij regjimi, i cili në mënyrën më të pamëshirë, më antishqiptare po boshatis Shqipërinë.
Po kryen gjenocid me largimin me kushte të llogaritura të shqiptarëve.
Shqipëria sot më shumë se kurrë ka nevojë të mbrohet nga bijtë dhe bijat e saj.
Shqipëria sot më shumë se kurrë ka nevojë të kthehet shpresa në tokën e saj.
Miqtë e mi, nga viti 2014 deri në vitin 2022, në 8 vite, sipas Eurostat, statistikave britanike dhe të SHBA, nga Shqipëria janë larguar 37.8 përqind e shqiptarëve.
Në qoftë se i shtojmë kësaj shifre shqiptarët e larguar për në Lindjen e Mesme, Norvegji, Zvicër, Kanada, Australi dhe vende të tjera, ju garantoj se kjo shkon në 40 përqind.
Kjo është boshatisje e tmerrshme e kombit. Ky është shkatërrim me shpejtësi të rrufeshme.
Ndaj o sot o kurrë, t’i dalim zot këtij vendi.
Me 11 korrik, të gjithë në Tiranë, ku jemi e nuk jemi, në betejë me narkoshtetin.

LEXO GJITHASHTU:

• Lulzim Berisha në gjykatën spanjolle: Mos më ekstradoni në Shqipëri, jam i rrezikuar
• Berisha-bluzave të bardha: Respektoni kodin etik! Ejani në protestën e 11 korrikut