“Me 200 euro në muaj për person je i varfër”, Tomori: Sa duhet për të jetuar

Të pyetur nga Barometri – Euronews Albania lidhur me tri problemet kryesore në vend, 46.1% e qytetarëve kanë thënë se problemi kryesor në vend është kostoja e jetesës, 39.5 % e tyre emigrimi, 34.7% korrupsioni dhe 27.8% e tyre kanë thënë papunësia.

Gazetari i ekonomisë, Klodian Tomori tha në emisionin Barometri se me 200 euro në muaj për person me standardet ndërkombëtare konsiderohesh si i varfër.

Sipas tij, shuma që i duhet një familjeje për të jetuar mirë varet nga disa faktorë, nga struktura e familjes tek mënyra se si e fillon familjen.

“Një familje me 4 anëtarë që ka të ardhurat mujore 800 euro është aty afër në kthetrat e varfërisë. Se sa duhet për të jetuar, sa më shumë më mirë është formula.  Varet nga shumë faktorë; nga struktura e familjes, ke banesë, fëmijë ,nga starti ku e fillon se mund të kesh kredi, borxhe”, tha ai.

LEXONI GJITHASHTU:

• Perceptimi për korrupsionit ndan socialistët dhe demokratët
• Kostoja e jetesës, problemi më i madh në vend