Me “Arrest në shtëpi”, i forti arrestohet në Kapshticë duke hyrë në Shqipëri

Policia Kufitare e Kapshticës arrestoi një person, të cilit Gjykata e Krujës i kishte caktuar masën e sigurisë “Arrest me burg”.

31-vjeçari banues në Shënvlash të Durrsit u arrestua teksa po hynte në republikën e Shqipërisë.

I riu po hetohet për veprën penale “Shkelja e rregullave të qarkullimit rrugor”, me pasojë plagosjen e rëndë.

Ende nuk dihet se si 31-vjeçari kishte mundur të dilte nga Republika e Shqipërisë.

“Shërbimet e Stacionit të Policisë Kufitare Kapshticë ndaluan shtetasin V. B., 31 vjeç, banues në Shënvlash, Durrës, pasi u konstatua në hyrje të Republikës së Shqipërisë, në kundërshtim me vendimin e Gjykatës së Rrethit Gjyqësor Krujë, e cila i kishte caktuar masën e sigurisë “Arrest në shtëpi”, për veprën penale “Shkelja e rregullave të qarkullimit rrugor”, me pasojë plagosjen e rëndë. Veprimet e mëtejshme procedurale do të kryhen nga Komisariati i Policisë Durrës”, thueht në njoftimin e policisë.

LEXONI GJITHASHTU:

• EMRI| Kush është anëtari i bandës në Vlorë që iu sekuestruan 39 mijë euro
• FNSH “rrethon” Vlorën, kontrolle në banesën e personit të rrezikshëm. Kapen mijëra €
• Mbi 40 kilogramë heroinë, arrestohet 31-vjeçari nga Kurbini