Me arsenal armësh në banesë, arrestohet i moshuari. Dyshimet për kallashnikovin

Një 70-vjeçar në Durrës ka rënë në prangat e policisë pasi gjatë kontrolleve në ambientet e banesës së tij u sekuestrua një arsenal armësh zjarri.

Si rezultat i informacioneve të mara në rrugë opeative dhe pas kontrolleve të kryera, policia ka gjetur dhe sekuestruar në cilësinë e provës materiale, 1 armë zjarri kallashnikov, pjesë armësh, 2 armë gjahu, 462 fishekë tdhe 1 thikë.

Kallashnikovi u dërgua në Institutin e Policisë Shkencore, për të verifikuar nëse është përdorur apo jo, për ngjarje kriminale.

Materialet procedurale i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Durrës, për veprime të mëtejshme.

“Si rezultat i kontrolleve dhe i patrullimeve në terren, të kryera me qëllim konstatimin dhe goditjen e mbajtjes pa leje të armëve, shërbimet e Stacionit të Policisë Manzë, në kuadër të operacionit policor të koduar “Types”, kanë siguruar informacion se një shtetas posedonte në banesën e tij, në fshatin Likmetaj, disa armë të llojeve të ndryshme.

Në vijim të veprimeve procedurale për këtë rast, u kap në flagrancë dhe u vu në pranga pronari i banesës, i cili kishte fshehur arsenalin e armëve dhe të municionit, shtetasi S. B., 70 vjeç”, thuhet në njoftimin e policisë.

LEXONI GJITHASHTU:

• “Tempulli-t” të Shkodrës i shtohet një tjetër i arrestuar, 3 nën hetim
• “Tempulli”| Arrestohet 29-vjeçari në kërkim, shkon në 94 numri i të ndaluarve