Emri i Nuredin Dumanit është kthyer sërish në vëmendjen e mediave pas akuzave të motrave Nikolli se ai është personi që porositi vendosjen e eksplozivit në banesën e tyre.

I ftuar në emisionin Review, eksperti i sigurisë, Fatjon Softa, tha se duhet të bëhet një hetim për të vërtetuar nëse Dumani ka pasur linjë interneti në qeli, apo pajisje nga ku mund të ketë komunikuar me perona të tjerë jahstë burgut.

Eksperti nënvizoi se nëse vërtetohet se Nuredin Dumani ka komunikuar nga burgu për të porositur krime të tjera do të jetë një tronditje e madhe për sigurinë në ambientet e vuajtjes së dënimit.

“Brenda institucionit të vuajtjes së dënimit duhet parë nëse ka pasur mjete të komunikimit dhe nëse ka pasur akses në internet. Duhet vërtetuar a ka pasur kompjuter, lap top apo celular, me çfarë ka komunikuar?

Nëse ka patur komunikim, ky komunikim nuk mund të jetë vetëm me vajzën por mund të jetë dhe me persona të tjerë në aktivitetet ku ai dyshohet. Duhet të vërtetojmë nëse ka lidhje me personit që ka vendosur lëndën plasëse dhe Nuredin Dumanit, apo lidhje të personave të tjera që kanë marrë pjesë në këtë akt terrorist.

Nëse gjejmë lidhjet tronditet gjithçka, tronditet siguria në burgje. Pasi ajo vajza rrëfen hallin e vetë dhe nëpërmjet hallit të vetë ajo thotë dhe hallin e të gjithëve, që në burgje nuk ka siguri, nga burgjet bëhen porosira dhe aktivitet kriminal”, tha Softa.

LEXONI GJITHASHTU:

• Përplasja motrat Nikolli-Dumani, gazetarja: Ç’deklaruan në polici, pistat e hetimit
• Ish-Prokurori: Dumani s’mund të lihet të mbretërojë në burg vetëm se është i penduar