Gazetarja Anduena Llabani është shprehur se Naim Murseli, i cili akuzohet për porositjen e vrasjes së gruas së tij, Liridona Ademajt, ka qenë këshilltar për rrjetet sociale i Bexhet Pacollit, gjatë kohës që ky i fundit ka qenë president i Kosovës.
Komentet Llabani i bëri në emisionin “Now me Erla Mëhillin” në Euronews Albania, ku tha se Naimi është marrë me publikimin në mediat online të të gjitha aktiviteteve të Pacollit.
“Më vjen një informacion që ky person ka qenë këshilltar për rrjetet sociale i Bexhet Pacollit. Është marrë me çdo gjë që ai bënte në rrjetet sociale, publikimin e aktiviteteve të Pacollit që ai bënte kur ishte president. Këshilltar për mediat. Është shumë afër Pacollit. Meqë Erla më pyeti, unë them se ka qenë për rrjetet sociale”, është shprehur Llabani.
LEXONI GJITHASHTU:
- “I ngeli si gozhdë”-Gazetari “zbulon” detaje: Çfarë i kërkoi Liridona-Naimit në 2019
- Liridona dhe Naim Murseli në proces divorci në Suedi, zbulohen detajet e reja
