Këngëtarja nga Kosova, Teuta Selimi, ka denoncuar për dhunë bashkëshortin dhe vëllain e saj.

Sipas mediave në Kosovë, bëhet me dije se të dyja denoncimet e artistes janë bërë brenda 48 orëve.

Denoncimi i parë ndodhi në orët e para të së mërkurës, ku ajo raportoi për dhunë burrin e saj, Patrik Neziri.

Sipas denoncimit mësohet se një konflikt verbal mes çiftit u përshkallëzua në dhunë fizike, ku Patriku qëlloi disa herë në kokë Teutën.

Po ashtu, mesnatën e kaluar, këngëtarja është paraqitur sërish në Polici, për të denoncuar për dhunë vëllanë e saj, Agron Selimin. Dyshohet se vëllai e ka sulmuar fizikisht, pas një debati që nisi pikërisht për denoncimin e Teutës ndaj bashkëshortit.

Policia ka marrë nën hetim të dy të pandehurit, ndërsa vëllai i këngëtares është dërguar në paraburgim për 48 orë. Ata të dy do të hetohen për veprën penale ‘dhunë në familje’.

LEXONI GJITHASHTU:

• Këngëtarja rumune mban varësen me Shqiponjë, zbulon kush ia ka dhuruar
• 6 vjet burg për këngëtaren ruse, fajtore për përhapjen e lajmeve të rreme të luftës