“Më kanë hedhur helm në pjatë”, motra e Hutrës zbulon konfliktet e vëllait në burg

Motra e Dan Hutrës i akuzuar për vrasjen e 3 grave 4 ditë më parë në Tiranë tha në një intervistë ekskluzive për emisionin Review në Euronews Albania se i vëllai i kishte rrëfyer gjatë kohës që ishte në burg se kishin tentuar ta helmonin.

Ajo tha se nuk e dinte nëse kjo ngjarje kishte lidhje me vrasjen e Etleva Kurtit, motra e Vladimir Kurtit në të njëjtën ditë kur kreu masakrën në shtëpinë e ish-gruas, por i vëllai i kishte thënë se personi që kishte tentuar ta helmte ishte i dënuar me burg përjetë.

“Telefonatat le të hapen, për Vit të Ri më ka thënë në telefon më kanë futur helmin në pjatë në burg brenda. Se kush ja ka futur nuk ma ka kallëzuar me emër. Ka qenë në një dhomë dhe më tha se e ka goditur. Më ka thënë që është ai me burgim të përjetshëm dhe helmin ma ka futur të më vrasë në burg. Me çfarë më merr mendja ky është, por nuk më ka thënë që do hakmerrej”, tha motra e Hutrës.

LEXONI GJITHASHTU:

• Ekskluzive/ Flet nëna e Dan Hutrës, si nisi konflikti mes ish-nuses dhe djalit
• Rrëfehet motra e Dan Hutrës: Vëllai edhe i vogël ka qenë i egër