Me patentë italiane false dhe pa siguracione, arrestohet në flagrancë 54-vjeçari

Një 54-vjeçar me inicialet A.K., banues në Xhafzotaj, u arrestua në flagrancë pasi është konstatuar nga shërbimet e Policisë, duke drejtuar automjetin, me patentë italiane false dhe pa siguracion.

Gjithashtu u arrestuan në Durrës J. I., 44 vjeç dhe u shpall në kërkim shtetasi D. B., 44 vjeç, të dy banues në Durrës, pasi dyshohet se në bashkëpumim me njëri-tjetrin kanë vjedhur sende të ndryshme në një banesë.

Ndërkohë specialistët e Qarkullimit Rrugor në Durrës arrestuan në flagrancë shtetasin M. F., 36 vjeç, banues në Durrës, pasi u konstatua duke drejtuar automjetin, në efektin e lëndëve narkotike. Gjatë kontrollit në automjet, u gjet një sasi lënde e dyshuar narkotike cannabis sativa, e cila u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Egjipt: E vlerësojmë deklaratën e Trumpit për moszhvendosjen e palestinezëve
• U la jashtë listave për 11 majin, reagon deputetja e PS Pranvera Resulaj