Me pistoletë dhe municione në lokal, arrestohet 30-vjeçari në Tiranë

Një 30-vjeçar është arrestuar nga policia në Tiranë me akuzën e  armëmbajtjes pa leje. në kuadër të operacionit të koduar “Customer” u vu në pranga L. Ç., 30 vjeç, banues në Tiranë.

Policia tha se operacioni u zhvillua bazuar në informacionet e siguruara në rrugë operative, se në një lokal në Mullet, ndodhej një shtetas i armatosur.

Shërbimet e Policisë kanë lokalizuar në një lokal në Mullet, shtetasin L. Ç., të cilit gjatë kontrollit fizik i gjetën një armë zjarri pistoletë dhe krehër me municion luftarak, të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• Tempulli, arrestohet 29-vjeçari i përfshirë në prodhimin dhe shitjen e drogës
• Aksidenti me vdekje ku humbi jetën 29-vjeçarja, arrestohet 37-vjeçari që e shkaktoi