“Tempulli 2”, arrestohet 29-vjeçari i përfshirë në prodhimin dhe shitjen e drogës

Xhonatan Haxhia është arrestuar ditën e sotme në Durrës në kuadër të operacionit “Tempulli 2”, pasi ishte shpallur në kërkim ndërkombëtar.

Policia bën me dije se 29-vjeçari ishte i shpallur në kërkim për veprën penale “Prodhimi dhe shitja e narkotikëve”.

“Si rezultat i veprimeve operacionale të kryera me intensitet nga Policia e Durrësit, në vijim të megaoperacionit “Tempulli 2”, si dhe i hetimeve të ndjekura me metoda proaktive, në bashkëpunim me Prokurorinë e Durrësit, për të nxjerrë përpara përgjegjësisë penale, shtetasit që prodhojnë dhe/ose shesin lëndë narkotike, specialistët e Sektorit për Hetimin e Narkotikëve dhe Trafiqeve të Paligjshme të DVP Durrës ndaluan shtetasin Xh. H., 29 vjeç, banues në Durrës”-njofton policia.

Kështu numri i shtetasve të vënë në pranga në kuadër të këtij megaoperacioni, ka shkuar në 52.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU: 

• “Droni Edukues” i policisë i kap “mat” ata që shkelin rregullat
• Xhaxhai i Aminit dënohet me burg për shkak se mbështeti protestuesit iranianë