Me shishe vere mbi kokë, ja çfarë bëjnë vajzat hungareze në Tiranë

Festivali i Folklorit Ndërkombëtar ka zënë vend në Tiranë, aty ku artistë nga vende të ndryshme janë mbledhur për të prezantuar kulturat e tyre në edicionin e tretë.

Disa vajza hungareze me shishe në kokë treguan për “Summer Cube” në Euronews Albania se mbajnë brenda shisheve verë të kuqe për të promovuar në këtë mënyrë një pjesë të rëndësishme të traditës së vendit që shquhet për rrushin dhe verën cilësore.

Siç shpjeguan dhe vetë ato duhet shumë praktikë për t’i mbajtur shishet e qelqit të mbushura me alkool në kokë pa i rrëzuar.

“Është hera jonë e parë në Shqipëri dhe është super këtu, temperatura pak të larta, është sfiduese. Ne praktikojmë shumë për t’i mbajtur shishet me verë të kuqe në kokë. Është një traditë hungareze sepse Hungaria shquhet për verën e bardhë dhe të kuqe. Kemi shumë rrush dhe bëjmë shumë verë dhe për këtë arsye i mbajnë dhe shishet në kokë,” – tregoi grupi hungarez.

LEXONI GJITHASHTU:

• Partizani mbërrin në Hungari, bjellorusët cilësohen favoritë
• Medalje e artë për Shqipërinë, Abakarov triumfon në Hungari