“Më shumë shpresojmë nga jashtë, se nga vetja”, Nurellari: Shqiptarët janë dorëzuar

Eksperti i shkencave politike, Adri Nurellari ishte këtë të premte i ftuar në “Barometri” në Euronews Albania ku ka folur rreth besueshmërisë që shqiptarët kanë ndaj SPAK.

Ai tha se arsyeja se pse shqiptarët kanë kaq shumë besim te SPAK, është se më tepër kanë besim te të huajt se te vendasit, pasi ndihen sikur ky vend është marrë peng.

“Është e vërtetë që në Shqipëri mund të sjellë ndryshim rrënjësor një sistem funksionar i drejtësisë. Arsyeja se përse ata besojnë te SPAK, OSBE, delegacioni i BE, është sepse mendojnë se ky vend është i marrë peng dhe ndihen të pafuqishëm për të ndryshuar.

Njerëzit ndihen të pafuqishëm për të ndryshuar dhe shpesh më tepër kanë besim te të huajt se te vendasit. Kjo është domethënia kryesore, që ne më shumë shpresojmë nga jashtë se vetë ndihemi të pafuqishëm”,-tha Adri Nurellari.

LEXONI GJITHASHTU:

• “Shqiptarët popull mosbesues”- Nurellari: Nuk ndërtojmë dot institucione
• “Politika po i ngre kurth SPAK”, Baçi: Pse do të quhet dështim në rastin e Berishës