Më shumë vaki sesa dasma, në fshatin Shën Pjetër të moshuarit të vetmit banorë

Dikur fshat i njohur e me tradite tashmë fshati Shën Pjetër në Fier vuan largimin masiv të të rinjve. Banorët e fshatit kryesisht të moshuar tregojnë gjendjen në te cilën ndodhet  fshati. Ata thonë se rinia është larguar për shkak te punësimit dhe mungesës se te ardhurave.

“Fshati jone është copë e troke nuk ka njerëz me. Ca plaka jemi këtu në lagje te rinj nuk ka. Emigracioni. Me dërgojnë ndonjë lek të marr ilaçet. Vakante ka me shume ku ka dasma.”

“Ka vajtur ne fund çdo gjë. Edhe pensionet me 100 mijë lekë. Po është braktisur se skamja i bën te gjitha kane ikurbte gjithë në emigracion. Këtu kane qene 200 300 shtëpi. Ti shohësh portat te gjitha mbyllur. Kane ngelur pensionistet. 5 vëllezër kam unë te gjithë jashtë janë me familjet.”

“E mjeruar në maksimum. Ka qene 350 shtëpi me 1100 banore. Sot 1 e 4 ka mbetur.  1 në 3 shtëpi është e banuar me të moshuar. Shtëpitë janë bosh po bien. Njerëzit janë larguar. Unë djalin e kam ne Itali dhe vajzën ne Greqi.”

Ndërkohë që numri i ulet i fëmijëve ka bërë që edhe shkolla të mbyllet para 3-4 vitesh. Pasi emigracioni i viteve te fundit ka qene familjar.

“I largoi emigrimi njerëzit. Tani shihni shtëpitë shumica mbyllur. Shkolla ka 3-4 vjet qe është mbyllur. Njerëzit janë larguar për arsye te punës.”

Arsyet e shpopullimit ne zonat rurale kane disa arsye, por një nder to është edhe sigurimi i te ardhurave te pakta qe sigurohen nga puna ne bujqësi.

LEXONI GJITHASHTU:

• Vjeshta me turistë në Ksamil, gjysma e parë e shtatorit 100% e prenotuar
• Libia frikë nga epidemia, izolohen zonat e shkatërruara nga përmbytjet