Me tufat me euro në makinë, procedohen penalisht 2 persona në Morinë

Policia e Kufitare në Morinë ka proceduar penalisht dy persona për veprën penale të “Mosdeklarimit të të hollave në kufi”.

Policia mundi të sekuestrojë një shumë prej 28 mijë euro, të cilët u gjetën gjatë kontrollit fizik të një automjeti tip Volswagen, ku po udhëtonin shtetasit, D. R., 24 vjeç dhe D. Sh., 20 vjeç

Materialet iu referuan prokurorisë pranë Gjykatës së Rrethit Gjyqësor Kukës, për veprime të mëtejshme.

“Shërbimet e Policisë Kufitare në Morinë, në vijim të kontrolleve për evidentimin dhe goditjen e krimeve ndërkufitare, bazuar dhe në analizën e riskut, në hyrje të RSH-së, kanë kaluar në vijën e dytë, për kontroll më të imtësishëm, automjetin tip “Volksëagen”, me drejtues shtetasin D. R. dhe pasagjer shtetasin D. Sh.

Gjatë kontrollit fizik, shërbimet e Policisë i kanë gjetur shtetasit D. R., 12 400 euro, ndërsa shtetasit D. Sh. i kanë gjetur 16 100 euro, të padeklaruara sipas përcaktimeve ligjore në fuqi.

Në cilësinë e provës materiale u sekuestruan 28 500 euro.

Në përfundim të veprimeve hetimore, specialistët e Seksionit për Hetimin e Krimeve Ekonomike e Financiare të DVP Kukës referuan materialet në Prokurori dhe nisi procedimi në gjendje të lirë për shtetasit D. R., 24 vjeç dhe D. Sh., 20 vjeç, banues në Gjilan, Kosovë, për veprën penale “Mosdeklarimi në kufi i të hollave dhe i sendeve me vlerë”, thuhet në njoftimin e policisë.

LEXO GJITHASHTU: 

• Siguria e Vis Martinajt: Kamera, dyer të blinduara, makina blind dhe eskortë sigurie

   

• Gazetari: Si u gjetën armët në kosheret e bletëve të Vis Martinaj
• Armë dhe predha brenda kosherëve të bletëve, çfarë u gjet në banesën e Vis Martinajt