“Më ushqeu një burrë mjekërbardhë”- Historia e pabesueshme e 6-vjeçares në Turqi

Histori të pabesueshme po qarkullojnë në mediat sociale për të mbijetuarit e tërmetit në Turqi dhe Siri.

Mediat turke kanë publikuar një histori të pabesueshme të një vajze 6-vjeçare, e cila pas shpëtimit tha se ishte ushqyer nga një burrë me mjekër të bardhë gjatë ditëve që ka qëndruar nën rrënoja.

Një gazetar turk e pyeti vajzën e vogël nëse kishte pasur uri dhe ajo iu përgjigj se kishte ngrënë.

Madje, ajo është shprehur se burri mbante mbi shpinë shtëpinë që të mos e zinte poshtë.

Një histori në kufijtë e të pabesueshmes, por ajo që bie në sy është fakti se vajzës së vogël i janë bërë analizat dhe ka rezultuar se trupi i saj ka pasur proteinat e duhura.

Kujtojmë se një tërmet me magnitudë 7.8 ballë, me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, goditi Turqinë juglindore dhe Sirinë veriore më datën 6 shkurt.

Lëkundjet e fuqishme u pasuan dhe nga pasgoditje pasuese, përfshirë edhe një me magnitudë 7.5 ballë të shkallës rihter.

Tërmeti shkaktoi shembjen e qindrave ndërtesave duke bërë që të ndërronin jetë më shumë se 34 mijë persona.

Ekipet e emergjencave vazhdojnë punën për nxjerrjen e personave që ndodhen nën rrënoja.

LEXONI GJITHASHTU:

• VIDEO/ Një javë nën rrënoja mes të ftohtit, nxirret e gjallë gruaja në Turqi
• Sot ditë zie në nder të viktimave nga tërmeti në kufirin turko-sirian
• Një grua nxirret e gjallë nga rrënojat 170 orë pas tërmetit