“Më vranë tim shoq!”- Historia e tragjike e kampiones Lulzime Duka

Volejbollistja Lulzime Duka në “Profil” në Euronews Albania rrëfeu një moment delikat të jetës së saj që e ndoqi thuajse gjithmonë.

Ajo rrëfeu se një nga momentet më të vështira për të ishte kur i vranë të shoqin, në kohën e komunizmit.

Duka tha se ai ishte një rrëzim për të, por shtoi se gjeti forcën dhe kurajën falë sportit, për t’u ngritur sërish.

Kampionia zbuloi se ka edhe një djalë nga martesa e saj e parë dhe ai për të është një bekim.

“Pastaj ndodhi ajo që ndodhi, gjëma, që më vranë tim shoq. Por faleminderit që kam një djalë. Qoftë i Xhenetit dhe jeta vazhdon.

Unë gëzoj një djalë nga martesa e parë dhe jam shumë krenare për këtë. Jetën nuk mund ta planifikosh ashtu siç e do. Jo vrarë, por shkatërruar, shkërmoqur.

Sporti më ka mësuar shumë gjëra të mira, forcën kurajon, që kur rrëzohesh të ngrihesh prapë. Unë u rrëzova, u rrëzova dhe shumë keq, por dita edhe të ngrihem”, tha Duka.

LEXONI GJITHASHTU:

• PROFIL| Lulzime Duka, volejbollistja që sfidoi komunizmin me dashurinë për sportin
• “Ç’do Enver Hoxha në tavolinën tonë?”- Lulzime Duka: Si e nxorra babin nga burgu