“Me zemër të thyer”, Bardhi reagon për herë të parë pas fitores së thellë të PS-së

Kur duket se numërimit të votave po i vjen fundi dhe Partia Socialiste ka siguruar një mandat të katërt me dominim të madh votash ndaj PD-së, ka ardhur edhe reagimi i parë i  përfaqësuesit politik të kësaj partie në Fier, Gazment Bardhi.

Pas humbjes së thellë në këtë qark, ku PD duket se do të marr 4 mandate ndërsa PS 12, Bardhi ka reaguar përmes një statusi në rrjete sociale.

Sipas tij, në Fier “mbështetësit e PD-së ishin njerëzit e lirë përballë një bande ministrash e drejtorësh të korruptuar”, që sipas Bardhit përdorën shtetin dhe elementë të krimit të organizuar për të ruajtur pushtetin.

Reagimi i plotë i Bardhit:

Një falënderim zemre

Me zemër të thyer se zgjedhjet e 11 majit nuk ia dolën të shprehin vullnetin real të qytetarëve, dua të falënderoj me përulësi të gjithë ata demokratë dhe mbështetës të opozitës që i besuan votën Partisë Demokratike!

Në qarkun e Fierit, ne ishim njerëzit e lirë përballë një bande ministrash dhe drejtorësh të korruptuar, që përdorën shtetin dhe krimin e organizuar për të ruajtur pushtetin!

Ju falënderoj me zemër për qëndresën dhe besimin!

Një falënderim të veçantë për strukturat e Partisë Demokratike, komisionerët, vëzhguesit dhe numëruesit e palodhur!

Ne do të qëndrojmë së bashku të panënshtruar, sepse Shqipëria ka nevojë për njerëz të lirë!

LEXONI GJITHASHTU:

• Lesi: Bardhi “u plagos” në Fier, grupi i tij do kërkojë një lider të ri
• Celibashi: Kemi numëruar 35% të votave të diasporës