Mediu në parlament: Të rikthehen koalicionet parazgjedhore dhe listat e hapura

Kreu i Partisë Republikane Fatmir Mediu, apeloi nga foltorja e Kuvendit që maxhoranca dhe opozita të vijojn punën për realizimin e reformës zgjedhore.

Kreu i PR theksoi se në qendër të reformës së re zgjedhore duhet të jetë marrëveshja e arritur me OSBE-në për të rikthyer mundësinë e koalicioneve parazgjedhore.

Gjithashtu Mediu apeloi për listat e hapura të deputetëve, votën e diasporës dhe dënimin e të gjithë atyre personave që intimidojnë votuesit gjatë zgjedhjeve.

“Nuk është shaka e fundit, por është shaka që po bëhet për dy vjet për mosfunksionimin e këtij komisioni. Çfarë pengon për ta bërë reformën zgjedhore? Bazuar në atë marrëveshje të dakordësuar me OSBE-në ne duhet e para të rikthejmë mundësinë e koalicioneve parazgjedhore, si një mundësi për të zhvilluar pluralizimin, jo vetëm për grupe të caktuara politike por për çdo forcë të re politike. E dyta të rikthejmë kushtetueshmërinë në parlament, qytetarët të votojnë deputetët përmes listave të hapura. Mos të qajmë sot për 2008-ën, por të kishim mend dhe në 2008-ën kur e bëmë. Diaspora e di më mirë se çfarë do dhe ata e kanë paraqitur propozimin e tyre”, tha Mediu.

LEXONI GJITHASHTU:

• “Heshtja është pazar”- Alibeaj: Parlamenti të nxjerrë produktin e ‘Zgjedhores’
• Reforma zgjedhore, Basha thirrje nga parlamenti: Mos të përsëritet skandali i 2008