Megaoperacion anti-kanabis në Shkodër, Pukë, Malësinë e Madhe dhe Fushë-Arrëz

Policia e Shkodrës ka goditur dis raste të kultivimit të kanabisit, ku në total janë asgjësuar 1790 bimë kanabisi dhe 86 fidanë.

Aksioni u shtri në të gjithë qarkun, përfshirë Malësinë e Madhe, Pukën dhe Fushë Arrëzin.

Gjatë kësaj faze të megaoperacionit “Territor i pastër”, shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, si dhe asgjësuan 736 bimë cannabisi;

Komisariati i Policisë Malësi e Madhe gjetinë territorin e njësisë administrative Shkrel, dhe asgjësoi 867 bimë dhe 86 fidanë kanabisi.

Nga shërbimet e Komisariatit të Policisë Pukë u gjetën në territorin e njësisë administrative Qelzë, dhe asgjësuan 62 bimë kanabisi.

Gjithashtu shërbimet e Stacionit të Policisë Fushë Arrëz gjetën në territorin e njësisë administrative Iballë, dhe asgjësuan 125 bimë kanabisi.

Policia bën me dije se po vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve dhe fidanëve narkotikë.

LEXONI GJITHASHTU:

• Kishte kultivuar 250 bimë kanabisi në pyll, arrestohet në flagrancë 43-vjeçari
• EMRI| Kapet parcela me 610 bimë kanabisi në Pogradec, arrestohet 31-vjeçari