Megaoperacioni anti-drogë në Krujë| Vijon asgjësimi i kanabisit, 1200 bimë më pak

Policia e Krujës në bashkëpunim me FNSH-në dhe Shqiponjat kanë asgjësuar rreth 1200 bimë kanabisi.

Në kuadër të megaoperacionit “Territor i pastër” në terren janë 10 grupe kontrolli me 80 forca policore dhe 7 dronë.

Operacioni është shtrirë në Malësinë e Krujës dhe në territore të tjera të rrethit të Krujës.

Njoftimi i policisë:

Gjatë fazave të mëparshme të operacionit janë asgjësuar 16 013 bimë narkotike dhe qindra fara kanabisi.

Gjatë një prononcimi, shefi i Komisariatit të Policisë Krujë Komisar Kreshnik Alimadhi ka bërë me dije se aktualisht është duke u zhvilluar faza e 29-të e operacionit dhe gjatë kësaj faze janë asgjësuar rreth 1200 bimë të dyshuara kanabis, si dhe është vënë në pranga 1 shtetas.

Operacioni është në zhvillim e sipër dhe shefi i Komisariatit të Policisë Krujë është shprehur se në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Tiranë, vijojnë hetimet e thelluara për identifikimin e shtetasve të tjerë të implikuar gjatë të gjitha fazave të këtij megaoperacioni.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Ndryshime në Komisariatin e Krujës, emërohen drejtuesit e rinj dhe 26 punonjës
• “Territor i pastër”, asgjësohen 635 bimë kanabis në Krujë