“Territor i pastër”, asgjësohen 635 bimë kanabis në Krujë

Ditën e sotme janë sekuestruar 635 bimë narkotike cannabis sativa, në Krujë.

Kjo është faza e 27-të e megaoperacionit policor antikanabis të koduar “Territor i pastër”, nga Komisariati i Policisë Krujë.

Më parë, si rezultat i fazave të tjera të këtij operacioni, janë asgjësuar 14 330 bimë narkotike kanabis.

Nga këto kontrolle, gjatë fazës së 27-të të megaoperacionit “Territor i pastër”, në territoret e fshatrave Gramëz, Mafsheq, Cudhi Zalle, Cudhi Kamp, dhe Barkanash, në Krujë, u gjetën të kultivuara 635 bimë të dyshuara narkotike cannabis sativa, të cilat u asgjësuan me anë të djegies.

Strukturat hetimore, në bashkëpunim me Prokurorinë, vijojnë punën për identifikimin dhe kapjen e autorëve të kultivimit të bimëve narkotike.

LEXONI GJITHASHTU:

• SHBA/ Policia qëllon të burgosurit që tentuan të arratisen, 1 i vdekur
• Sulm terrorist në Kongo, humbin jetën 12 persona