Merkato në Itali: Juventus refuzon ofertën për Yildiz, Napoli me sytë nga Sterling

Kenan Yildiz do të vijojë të jetë pjesë e Juventusit edhe këtë sezon, me bardhezinjtë të cilët i kanë mbyllur derën një largimi të sulmuesit. Ka qenë Chelsea e cila ka nisur bisedimet me drejtuesit e zonjës, duke bërë dhe ofertën zyrtare për turkun, por që u refuzua menjëherë. Sipas Gazzetta dello sport, blutë e Londrës, që njëkohësisht janë kampionët e botës në fuqi ofruan 68 milionë euro për kartonin e 20-vjecarit, por Juventus ishte i qartë në përgjigjen e kthyer, futbollisti nuk është në shitje për asnjë lloj vlere.

Në Serinë A merkato vijon të jetë interesante, natyrisht jo me shumë para të shpenzuara. Milan vijon këmbënguljen për Jasharin, ndërsa i ka bërë gati Brugge 35 milionë euro, të cilat është gati tja ofrojë menjëherë, ndërsa 2 milionët e tjera në formë bonusesh. Më herët u diskutua që pagesa të ndahej në 2 pjesë, fillimisht 32 milionë dhe më pas 5, por duket se belgët kërkojnë me patjetër 40 milionë euro për kartonin e futbollistit.

Kampionët në fuqi të Serisë A, po ashtu janë aktivë në merkato, ku dëshira e radhës e Antonio Contes është Raheem Sterling, sulmuesi britanik i cili ka një karrierë të pasur në ishull. 30-vjecari sezonin e fundit e kaloi në huazim tek Arsenali ku luajti vetëm 17 ndeshje, ndërsa kurrë më herët nuk ka provuar të luajë jashtë Anglisë, e me gjasa një lëvizje drejt Napolit, do të shenjonte një etapë të re në karrierën e tij.

LEXONI GJITHASHTU:

• Juventus sfidon Milanin: Xhaka, një “trofe” që duhet fituar
• Milani i mahnitur nga Ardon Jashari, i ofrojnë 27 mln euro Club Brugge