Merkato në Premier League, Rashford i bashkohet Aston Villa-s

Ekipet angleze nuk kanë ndërmend të ndalen edhe pse në orët e fundit të merkatos, ndërsa vijojnë të prezantojnë përforcimet e kryera. Ndryshe nga zakonisht, të mëdhenjtë janë në qetësi, ndërsa ekipet e mesit të tabelës janë ato të cilat po konfirmojnë emra të rinj dita ditës.

Aston Villa ka arritur akordin me një ndër lojtarët më premtues të pak viteve më parë, Marcus Rashford, i cili është përforcimi i fundit. Anësori është afruar në formë huazimi me të drejtë blerje për një vlerë prej 40 milionë euro.

Krahas tij një tjetër lojtar që dikur ishte në qendër të merkatos do të bëhet pjesë, Marco Asensio. Spanjolli do të jetë në formë huazimi, ndërsa tek PSG nuk ka gjetur hapësira gjatë këtij sezoni.

Manchester United e Tottenham kanë prezantuar këtë të diel lojtarët e afruar së fundmi, ku te londinezët bëhet fjalë për Kevin Danso, mbrojtësin austriak të Lens, ndërsa në Old Trafford zbarkoi ish-lojtari i Lecce Patrick Dorgu. Ruben Amorim po mendon ndryshimin e skemës me djajtë e kuq, e duket se danezi është një ndër ata që do të jetë pjesë e saj.

LEXONI GJITHASHTU:

• Skandali në Premiere League, pezullohet gjyqtari që “urren” Liverpool-in
• Arsenali barazon kundër Liverpoolit në Premier League