Merr flakë një autobus me pasagjerë në hyrjen perëndimore te qytetit të Elbasanit. Fatmirësisht nuk ka të lënduar. Ndërhyrja e zjarrfikëses ka bërë të mundur fikjen e zjarrit.

Autobusi i linjës Tiranë-Elbasan, ishte në lëvizje kur mori flakë. Mendohet se shkak ka qenë një defekt në motorin e mjetit.

Sipas informacioneve të siguruara nga korrespondentja e Euronews Albania, Edlira Xherri pasagjerët kanë zbritur në kohë dhe nuk raportohet për qytetarë të lënduar.

Njoftimi i policisë

Rreth orës 18:00, në aksin rrugor “Bradashesh-Elbasan”, dyshohet se për shkak të një defekti, ka rënë zjarr në pjesën e pasme të autobusit me drejtues shtetasin O. K., 28 vjeç, banues në Elbasan. Për pasojë janë shkaktuar vetëm dëme materiale.

Grupit hetimor po punon për dokumentimin ligjor të shkakut të rënies së zjarrit.

LEXONI GJITHASHTU:

• Aksidentohet për vdekje 43-vjeçari shqiptar në Itali
• Merr flakë makina në ecje, shoferi dhe pasagjeri përfundojnë në spital