Merrte makina me qira dhe mashtronte për kthimin e tyre, në pranga 34-vjeçari

Një 34-vjeçar është arrestuar ditën e sotme në Vlorë pasi merrte automjete me qira ditore dhe mashtronte për kthimin e tyre.

Policia bën me dije se në pranga ka rënë shtetasi D.K.

Nga veprimet hetimore të kryera nga Policia ka rezultuar se shtetasi D. K. merrte në mënyrë të vazhdueshme, automjete me qira ditore, në subjekte që ofrojnë këtë shërbim, në qytetin e Tiranës, Vlorës dhe Sarandës, dhe mashtronte për kthimin e tyre sipas marrëveshjes. Nga veprimet hetimore dyshohet se ky shtetas i merrte automjetet me qira ditore, me qëllim që t’i shiste në pika skrapi.

Vijon puna për zbardhjen e plotë të veprimtarisë kriminale të këtij shtetasi.

Materialet i kaluan Prokurorisë, për veprime të mëtejshme.

LEXONI GJITHASHTU: 

• Mjekja bën apel: Izoloni fëmijët e tjerë nëse njëri ka virusin ‘gojë, duar, këmbë’
• Vendimi i qeverisë për studentët e mjekësisë/ Çfarë do të ndodhë me protestat?