Mërtiri debat Brahimllarin: Ju merreni me muhabet gjelash kush këndon më fort

Ish-deputeti i LSI-së, Endrit Brahimllari dhe sociologu, Ergys Mërtiri u përfshinë në një debat në studion e “Now” me Erla Mëhillin në Euronews Albania.

Ndërsa, Brahimllari theksonte se protesta iu tregoi shqiptarëve se taksat e tyre shkojnë për propagandën e Veliajt, Mërtiri ishte i mendimit se asgjë nga çfarë u tha sot në protestë nuk ishte e re.

“Nuk mjafton që qeveria të jetë e keqe që ajo të bjerë, duhet nga ana tjetër që opozita të dëshmojë që është shumë herë më e mirë, pra të frymëzojë dhe njerëzit të binden se ja vlen t’i ndjekësh,” – u shpreh Mërtiri.

Ata debatuan për modelin e protestës, ku ish-deputeti pretendonte se simbolika e zhvillimit të protestës te inceneratori i Tiranës fliste shumë, ndërsa sociologu ishte i mendimit se organizatorët e protestës nuk dinin ta mbanin gjallë atë.

Protesta e parë e Partisë së Lirisë që kur u ndryshua emri dhe u rikthye Ilir Meta në krye u mbajt të martën te inceneratori i Tiranës.

Ata pretendojnë se 128 milionë euro janë të pajustifikuara dhe përmes protestës qytetarët do të kenë mundësi të mësojnë të vërtetën.

LEXONI GJITHASHTU:

• Lesi ironizon protestën e Metës: Ishte vetëm Edmond Spaho dhe shoferi i vet