Merz: Nuk do të lejojmë askënd ta ndajë Evropën, t’i ushtrohet presion Rusisë

Kancelari gjerman Friedrich Merz nga Berlini gjatë një konference të përbashkët për shtyp me Sekretarin e Përgjithshëm të NATO-s Mark Rutte ka deklaruar se nuk duhet të lejojnë askënd që të ndajë Evropën.

Ai theksoi se Evropa po shkon përtej pragut të anëtarësimit në BE dhe iu referua më konkretisht Britanisë dhe Norvegjisë si partnerë të rëndësishëm. Merz kritikoi gjithashtu Presidentin rus Vladimir Putin duke theksuar se Gjermania dhe aleatët e Kievit do të vazhdojnë të ushtrojnë më shumë presion mbi Moskën për t’i dhënë fund luftës.

Merz theksoi rolin e NATO-s në një kohë trazirash të mëdha gjeopolitike. Lidhur me kritikat e fundit të Uashingtonit, ai theksoi se strategjia e sigurisë kombëtare të SHBA-së konfirmon se Gjermania kishte të drejtë që u përqendrua në forcimin e shtyllës evropiane të NATO-s.

I pyetur në lidhje me komentet e Trump në lidhje me telefonatat e tij të fundit me evropianët, Merz minimizoi raportet për tensione midis dy palëve. Ai tha se ata patën një bisedë të detajuar ku diskutuan propozimet dhe se çfarë lëshimesh territoriale është e gatshme të bëjë Ukraina.

I pyetur në lidhje me financimin e Ukrainës, ai vlerësoi propozimin e BE-së dhe iu referua samitit të Këshillit të javës së ardhshme si momenti vendimtar për vendimet përkatëse.

LEXONI GJITHASHTU:

• VIDEO/ Humbi nënën gjatë sulmeve, 11-vjeçari ukrainas përlot Parlamentin Evropian
• Vidhnin lekë dhe sende në lokalet në zonën e plazhit në Durrës, arrestohen 2 persona