“Mesazh Hamasit dhe Hezbollahut”, gazetari izraelit: Erdogan në situatë delikate

Gazetari izraelit Attila Somfalvi, tha në një intervistë për Euronews Albania se qëndrimi i presidentit turk Erdogan karshi Izraelit në të shkuarën ka qenë i dyzuar, pasi ka mbështetur për disa vite palestinezët.

Sipas tij, deklarata e sotme lidhur me konfliktin, ku Erdogan kërkon që askush tjetër të mos përfshihet në këtë luftë, është një mesazh për Hezbollah dhe Iranin që të mos ndërhyjnë në reagimin e Izraelit ndaj Hamasit.

“Netanjahu e takoi në Asamblenë e OKB dhe duket se jemi në rrugën e duhur, por ai ka mbajtur edhe anën e palestinezëve për disa vite dhe në të kaluarën i ka shkatërruar marrëdhëniet turko-izraelite për një kohë të gjatë ndërsa tani është në një situatë delikate. E fundit që ai mund të bëjë është të thotë lidhur me këtë luftë, të cilën nuk e do askush, Kur tha se askush nuk duhet të përfshihet në këtë luftë ai po i dërgon një mesazh edhe Iranit dhe Hezbollahut që të mos ndërhyjnë në reagimin e Izraelit ndaj Hamasit. Turqia s’e ka mbështetur Hamasin në të shkuarën dhe sot e kupton çfarë ka ndodhur. Ajo që ndodhi këtu, nesër mund të ndodhë në Evropë, e kemi parë të ndodhë në Paris, në Berlin”, tha gazetari.

LEXONI GJITHASHTU:

• Gazetari zbulon strehën ku po fshihen liderët e Hamasit
• Erdogan kritika SHBA: Çfarë kërkon aeroplanmbajtësja amerikane në Izrael