Mesazhi për Danimarkën, Trump: Do e marrim Groenlandën

Presidenti Donald Trump shprehet i bindur se SHBA do të ketë kontrollin e Groenlandës së shpejti, pavarësisht kritikave dhe qëndrimeve të forta kundër këtij projekti nga Danimarka dhe vendet e Bashkimi Europian.

Trump nuk heq dorë nga Groenlanda: Do e marrim. Banorët e saj janë pro bashkimit me SHBA.

Presidenti Donald Trump ka thënë se SHBA do të ketë kontrollin e Groenlandës së shpejti, pavarësisht kritikave dhe qëndrimeve të forta kundër këtij projekti nga vendet e BE dhe vet Danimarka.

“Unë mendoj se do ta kemi atë“, tha Trump në një bisedë me gazetarët në avionin ‘Air Force One’ ditën e shtunë.

Trup është shprehur se 57 mijë banorët e ishullit që është pjesë e Danimarkës duan të jenë me Shtetet e Bashkuara të Amerikës.

Deklarata e Trump vjen pasi kryeministrja daneze Mette Frederiksen ka deklaruar se Groenlanda nuk ishte në shitje. Mediat europiane raportojnë për një telefonatë me tone të ashpra të zhvilluar mes Trump dhe kryeminsitres disa javë më parë. Gazeta “Financial Times”, një raport për telefonatën duke cituar burime brenda qeverisë së Danimarkës, e cilësonte bisedën mes tyre si të ‘tmerrshme’.

Trump ka deklaruar se nëse Danimarka nuk pranon, SHBA do të vendosë sanksione të rrepta dhe do të përdorë të gjitha mjetet.

LEXONI GJITHASHTU:

• Fjalimi i Trump në Davos, bien çmimet e naftës
• Trump: Bllokimi i urdhrit për marrjen e shtetësisë përmes lindjes do të apelohet