Mesha e Shën Nikollit në Shkodër, imzot Gjergj Meta: Të kujdesemi për njëri-tjetrin

Besimtarët katolikë kanë festuar festën e shenjtë të Shën Nikollit në kishën që mban emrin e shenjtit.

Në Shkodër u kremtua mesha e shenjtë nga presidenti i Konferencës Ipeshkvnore, imzot Gjergj Meta.

Gjatë fjalës së tij, imzot Meta tha se ne nuk kemi asgjë në pronë, por jemi vetëm administratorë të diçkaje që nuk është e jona ndërsa theksoi se duhet të kujdesemi për njëri-tjetrin.

Një natë më parë, në ambientet e kishës së Shën Nikollit u zhvillua procesioni i vigjiljes së kësaj feste, ku u bashkuan besimtarë të shumtë.

Shën Nikolli është një ndër shenjtorët dhe dëshmitarët e Krishtit më të nderuar nga besimtarët e krishterë ndërsa u dallua për kujdesin dhe ndihmën ndaj të varfërve.