Prej 3 ditësh, nxënësit e shkollës në fshatin Mali Kolaj po zhvillojnë mësim në oborrin e shkollës për shkak se mes pronarit të godinës dhe bashkisë së Shkodrës, ende nuk është gjetur një marrëveshje.

Zyra e Arsimit, iu ka ofruar si zgjidhje shkollën në qendër të Velipojës, por për prindërit distanca është shumë e largët.

Furgoni nuk vjen në qendër të fshatit për të marrë fëmijët dhe këta të fundit e kanë të pamundur të ecin 5 km në këmbë për të shkuar deri tek stacioni. Në këto kushte, në ndihmë u ka ardhur mësuesja e cila po u jep mësim në oborrin e shkollës së mbyllur.

Edhe vetë nxënësit duan rihapjen e shkollës së fshatit.

Në fshatin Mali Kolaj, vetëm 20 km larg Shkodrës, janë 16 nxënës të cilët me mbylljen e shkollës fillore, mësimin po e zhvillojnë në ambient të hapur, por edhe për sa kohë, kjo varet nga kushtet e motit.

LEXONI GJITHASHTU:

• Çdo vit më pak nxënës, bien regjistrimet në ciklin e ulët dhe të mesëm në disa qarqe
• Panik brenda një klase në Krujë, nxënësit shoqërohen në spital pas sulmit me spraj