Messi vlerëson Kupën e Botës për Klube: Inter Miami mezi pret të garojë

Kupa e Botës për klube ka nisur në SHBA, ndërsa Lionel Messi ka vlerësuar maksimalisht këtë kompeticion të ri dhe emocionues.

Inter Miami është skuadra e parë që zbret në fushë, ndërsa ylli argjentinas shpreh shpresën për një paraqitje të mirë.

Nga 15 qershori, tifozët e futbollit mund të ndjekin ndeshjet mes ekipeve më të mira nga Europa dhe kontinente të tjera.

Messi e konsideron këtë garë një mundësi të shkëlqyer për ekipet e Amerikës së Jugut dhe klubet në rritje për të konkurruar me klubet evropiane më të forta.

“Është një garë interesante dhe emocionuese të jesh pjesë e saj. Mezi pres të garoj kundër më të mirëve dhe të jap maksimumin. Ky turne i ri është një mundësi e shkëlqyer për të shijuar futbollin më të mirë këtu në SHBA,” deklaroi Messi.

Ndeshja hapëse luhet mes Al Ahly dhe Inter Miami në orët e para të mëngjesit të së dielës.

LEXONI GJITHASHTU:

• Dy vite jashtë fushave të blerta, Monaco i hap dyert Pogbas
• Leo Messi thërret Luka Modriçin te Inter Miami