Mësuesi Islam Alikaj thotë se teza e sotme në provimin e matematikës, ishte shumë e ngarkuar për maturantët.
Për emisionin “Sot” në “Euronews Albania”, Alikaj u shpreh se maturantët e kanë të pamundur që të zgjidhin 33 ushtrime dhe probleme për 2 orë e 30 minuta.
Ai parashikon që mbi 14% e maturantëve do jenë mbetës në provimin e matematikës.
“Tezat e matematikës vazhdojnë të jenë shumë të ngarkuara në numër. 33 ushtrime dhe probleme që jepen në provim, është një marrëzi. Për 2 orë e 30 minuta është e pamundur që të zgjidhen. Unë kam bërë këtë arsyetim. Mbetës do të jenë 14%, mbetës do ketë shumë. Këtë e them me përgjegjësi”, deklaroi Alikaj.
33 mijë maturantë në të gjithë vendin zhvilluan këtë të premte provimin e tretë të Maturës Shtetërore në lëndën e matematikës.
Në rrjetet sociale, qarkulluan imazhe të tezës para përfundimit të provimit.
LEXONI GJITHASHTU
- Eksperti Vejsiu: Publikimi i tezave të maturës është bërë normë
- FOTO | Imazhe të tezës së provimit të matematikës qarkullojnë në rrjet
