Meta akuza të forta: Ja kush dha urdhër që të thirresha në SPAK

Kreu i Partisë së Lirisë Ilir Meta ka hedhur akuza ndaj Partisë Socialiste duke thënë  se kjo e fundit ka dhënë urdhër që ai të merret në pyetje nga SPAK.

Në një deklaratë për mediat pas daljes nga SPAK Meta tha se i vjen keq që harxhohet kohë me këtë çështje  ndërkohë që në Prokurori ka dhjetëra dosje me kallëzimet që ka bërë për korrupsionin dhe inceneratorët.

“Më vjen keq që harxhohet kohë për gjëra të tilla ndërkohë që këtu janë mal dosjet dhe kallëzimet e bëra për ligjet me porosi, për miliarda euro  dhe gjithë të tjerat, por unë nuk ndalojë askënd që të më drejtojë pyetje.

Ju e dini kush i ka dhënë udhëzimet që të thirret Ilir Meta në SPAK, janë dhënë nga Kongresi i Partisë. Meta është i hapur dhe transparent dhe mezi po presim që për ato filmat që vazhdojnë të vidhen miliona euro te inceneratorët të ketë veprime konkrete”- tha Meta.

LEXONI GJITHASHTU: 

• U mor në pyetje nga SPAK, Meta: S’ekziston asnjë dokument që të kem favorizuar dikë
• Përfshihet nga flakët apartamenti pas Presidencës, lëndohen dy gra