U mor në pyetje nga SPAK, Meta: S’ekziston asnjë dokument që të kem favorizuar dikë

Ish presidenti Ilir Meta është pyetur për tri orë në SPAK për çështjen e CEZ. Meta në një deklaratë për mediat theksoi se nuk ka lidhje me çështjen ndërsa shtoi se gjatë kohës që ishte në detyrë nuk ka favorizuar asnjeri.

Ai tha se të gjitha faktet tregojnë qartë se ai ka mbrojtur interesin publik.

“Është e qartë që sot dhe asnjë herë nuk mund të ftohet për të dhënë asnjë sqarim për vendimet që ka të bëjë me përmbushjen e funksionit zyrtar. Nëse drejtësia të kërkon të pyesë nuk mund t’i shmangesh pyetjeve.

Ajo që mund të ju them është që pa asnjë diskutim nuk ekziston asnjë akt  dhe asnjë dokument që Meta në çdo lloj detyre të ketë favorizuar asnjë. Të gjitha faktet tregojnë qartë që Meta ka mbrojtur interesin publik. Bashkëpunëtorë dihet se kush është, Endri Fuga, pjesë e bashkëpunëtorëve janë punësuar në Kryeministri.”- tha Meta.

LEXONI GJITHASHTU: 

• Meta akuza të forta: Ja kush dha urdhër që të thirresha në SPAK
• Prej disa orësh në SPAK, flet për mediat Ilir Meta: Ja për çfarë më pyetën