Meta: Berisha mban përgjegjësi për primaret, shqiptarët presin fitoren e opozitës

Kryetari i Partisë së Lirisë, Ilir Meta deklaroi se kryedemokrati Sali Berisha do të mbajë përgjegjësi për procesin e primareve, pasi është ai që e ka ideuar.

Në një deklaratë për mediat, Meta u shpreh se shqiptarët presin fitoren e opozitës ndaj qeverisë, që sipas tij është kthyer në një regjim fashist.

“Unë kam thënë që e mban Sali Berisha përgjegjegjësinë, që do të thotë se shqiptarët nuk presin primaret nga Berisha dhe as nga Meta, presin fitoren mbi këtë juntë. Prandaj, ai mban përgjegjësi, pasi është ai që e ka ideuar dhe nisur këtë proces, e duartrokas. Ky është një proces i vonuar dhe unë ia kam thënë. Duhet bërë çdo gjë që kjo çështje të zgjidhet sa më parë, pasi kemi të bëjmë me një regjim fashist”, theksoi Meta.

Paraditen e kësaj të mërkure, Meta i shkoi në zyrë Berishës dhe u zhvillua një takim për më shumë se 30 minuta.

Pas takimit, Meta u shpreh se do të ketë referendum dhe primare të përbashkëta me Partinë Demokratike.

Ndër të tjera, ish-presideti bëri të ditur se i ka propozuar një emër Berishës për kryetar të Këshillit Bashkiak të Tiranës, për zgjedhjet e ardhshme vendore.

Ai nënvizoi se Berisha e mirëpriti propozimin e tij, ndonëse nuk e bëri publik emrin.

LEXONI GJITHASHTU

• Berisha dhe Meta firmosin nesër marrëveshjen për aleancën në zgjedhjet vendore
• ‘Super politikan’, Meta: I propozova një emër Berishës për ‘Parlamentin e Tiranës’
• “Referendum dhe primare”, Meta flet pas takimit me Berishën