Meta flet për çështjen “Partizani”: Drejtësi e kapur, akuza është e diktuar nga Rama

Kreu i Partisë së Lirisë, Ilir Meta, ishte këtë të martë në një konferencë për mediat ku e cilësoi arrestimin e Jamarbër Malltezit dhe të gjithë çështjen “Partizani” si një metodë e kryeministrit Rama për të hequr vëmendjen nga skandalet e tij.

”Sa i takon qëndrimeve ndaj zotit Berisha nga ana e prokurorëve të SPAK apo të përfaqësuesve të gjykatave, dëshiroj të shpreh edhe një herë tjetër keqardhjen për këtë rrëshqitje e cila nuk është e papritur të së ashtuquajturës drejtësi e re ,e cila anashkalon parlamentin, del mbi kushtetutën dhe mbi Konventën Europiane  të të drejtave të njeriut dhe natyrisht që ne e dimë shumë mirë që është një aktakuzë e cila në radhë të parë u bë në kongresin e Partisë Socialiste, Edi Rama.

Është një aktakuzë e diktuar në çdo element prej tij, i cili për çështjen e ish-klubit “Partizani” është edhe personi kryesor që ka marrë përgjegjësinë për të  bërë ndërrimin e destinacionit, nga një destinacion sportiv, në nëj destinacion për ndërtime, por po të shikoni dosjen emri i tij nuk del. ai ka garantuar përmes kapjes së drejtësisë paprekshmërinë e tij”,-tha Meta.

LEXONI GJITHASHTU:

• Kampioni Alvin Karaqi nderohet me medaljen/ Rama: Shembull për gjithë të rinjtë
• Dogji mbeturinat në tokën e tij, por flakët u përhapën, procedohet i moshuari