Meta fton shqiptarët në protestën e 11 shkurtit: Të largojmë regjimin mafioz

Kreu i Partisë së Lirisë Ilir Meta ka ftuar të gjithë shqiptarët që të marrin pjesë në protestën e 11 shkurtit që do të nis në orën 12:00.

Në një deklaratë për mediat Meta theksoi se opozita do të jetë në këmbë deri në largimin e qeverisë që sipas tij është mafioze.

“Ndaj i ftojmë të gjithë shqiptarët të bashkohen në 11 shkurt, në ora 12:00 në një protestë kombëtare kundër këtij regjimi që sillet ndaj shqiptarëve në mënyrën më ç’njerëzore duke i vjedhur ata në mënyrë të pamëshirë dhe duke i përzënë nga vendi i tyre përmes një axhende antikombëtare shpopullimi.

Opozita do të jetë në këmbë kundër këtij armiku të lirive të tyre deri në largimin përfundimtar të këtij regjimi mafioz dhe të korruptuar në çdo qelizë”- tha ai.

LEXONI GJITHASHTU: 

• Heshtja e Yuri Kim për çështjen e McGonigal? Ja si e komenton Ilir Meta
• A e ka takuar ish-zyrtarin e FBI? Përgjigjet Ilir Meta