Kryetari i Partisë së Lirisë, Ilir Meta deklaroi se paraardhësja e saj në detyrë, Monika Kryemadhi u pre në besë nga ish-kryedemokrati, Lulzim Basha për djegien e mandateve.
Në emisionin “Now” në Euronews Albania, Meta u shpreh se Basha i dogji mandatet, pasi këtë gjë e bëri Kryemadhi.
Sipas ti, ky ishte plani i Bashës me Ramën.
“Unë me Berishën kam folur 1 vit para se të digjeshin mandatet, me Bashën kam folur dhe nuk më ka shkuar mendja. Në dhjetor kam kthyer me pahir LSI-në në parlament. Ata shfrytëzuan momentin kur unë isha jashtë. Do digjte mandatin e saj për arsyen e vetë emocionale Monika Kryemadhi.
Asnjë tjetër nga LSI-ja nuk do digjte mandat dhe Partia Demokratike nuk do t’i digjte mandatet. Lulzim Basha i dogji mandatet vetëm pasi i dogji LSI-ja sepse kjo ishte loja me Edi Ramën. LSI-ja do kthehej në faktor kryesor opozitar, që do të ishte tmerri i Edi Ramës, për arsye se nuk e kontrollonte. Atë e prenë në besë”, theksoi ai.
LEXONI GJITHASHTU