Meta ndalon aktivitetin e disa mediave shtetërore ruse

Rrjeti Meta ka njoftuar të hënën se po ndalonte aktivitetin e disa rrjeteve të medias shtetërore ruse nga platformat e saj.

“Pas shqyrtimit të kujdesshëm, ne zgjeruam saksionet kundër organeve të mediave shtetërore ruse. Rossiya Segodnya, RT dhe entitete të tjera të lidhura tani janë të ndaluara nga aplikacionet tona globalisht për aktivitetin e ndërhyrjes së huaj,” thuhet në një deklaratë.

Lëvizja erdhi pasi Sekretari amerikan i Shtetit Antony Blinken njoftoi sanksione të reja të premten kundër kompanisë ruse të medias RT të mbështetur nga shteti, e njohur më parë si Russia Today, duke pretenduar se ajo zotëronte aftësi kibernetike dhe ishte e angazhuar në “operacionet e fshehta të ndikimit të informacionit dhe prokurimet ushtarake”.

“Sot, ne po ekspozojmë se si Rusia vendos taktika të ngjashme në mbarë botën,” tha Blinken.

“Armatizimi rus i dezinformatave për të përmbysur dhe polarizuar shoqëritë e lira dhe të hapura shtrihet në çdo pjesë të botës”, shtoi ai.

Në fillim të këtij muaji, autoritetet amerikane hapën një padi kundër dy punonjësve të transmetuesit rus RT dhe sekuestruan 32 domene interneti me akuza për ndërhyrje në zgjedhjet presidenciale të nëntorit.

LEXONI GJITHASHTU:

• “Llogaria juaj mund të mbyllet”, ja skema e mesazheve të maskuara si kompania Meta
• U diskutua si frazë antisemite, bordi i META kërkon mos të fshihet “Nga lumi në det”