Kryetari i Partisë së Lirisë, Ilir Meta në një deklaratë për mediat një ditë përpara protestës së opozitës sulmoi ashpër kryeministrin Edi Rama.

Sipas Metës, nesër në shesh do të jetë populli i Shqipërisë, i cili siç theksoi Meta nuk do të lejojë askënd të luajë me fatet e tij.

“Fshehja e dëshpëruar e Edi Ramës me javë të tëra dhe shmangja e llogaridhënies dhe transparencës përpara parlamentit me shpresën e mjerë se mund të kalojë situatën janë thjesht një iluzion i një të mbyturi që kapet pas fijes së barit.  Populli është vetëm ai që jep pushtet por edhe ja heq pushtetin atij, që e përdor vetëm për të grabitur paratë e popullit dhe për të shitur interesat e tij. Populli i Shqipërisë jam i bindur se e ka marrë vendimin. Ai s’mund të lejojë kurrë që Edi Rama të vazhdojë të trajtojë zyrën e kryeministrit si një çerdhe mafioze ku ndahen paratë dhe pasuritë kombëtare të shqiptarëve”, tha Meta.

Më 11 shkurt, kreu i PD Sali Berisha ka thirrur protestën e katërt kombëtare që pasi u rikthye në drejtimin e Partisë Demokratike, protestë të cilë e ka mbështetur edhe Meta.

Thirrja e protestës u paralajmërua nga Berisha pak ditë më parë dhe ndërmerret si reagim ndaj çështjes së ish-agjentit të FBI, Charls Mcgonigal, ku në dosjen hetimore përmendet edhe kryeministri i Shqipërisë, Edi Rama.

LEXONI GJITHASHTU:

• Berisha: Meta opozitari i vetëm, si ju përvesh Basha dhe çfarë i thashë në zyrë
• Tedi Blushi: Ku i keni provat për korrupsion nga Berisha e Meta? Gjejini!